रांची: यांच्यात सुरू असलेल्या तिसऱ्या कसोटीच्या दुसऱ्या दिवसाचा खेळ अंधूक प्रकाशामुळं थांबवण्यात आला. भारतानं पहिला डाव ९ बाद ४९७ धावांवर घोषित केल्यानंतर फलंदाजीसाठी उतरलेल्या दक्षिण आफ्रिकेचे अवघ्या ९ धावांवर दोन गडी बाद झाले. दोन कसोटी सामन्यांत पराभूत झालेला दक्षिण आफ्रिका संघ ४८८ धावांनी पिछाडीवर आहे. भारत वि. दक्षिण आफ्रिका यांच्यात सुरू असलेल्या कसोटी मालिकेतील तिसरी लढत रांचीमधील जेएससीए मैदानावर होत आहे. नाणेफेक जिंकून भारत फलंदाजीसाठी मैदानात उतरला. रोहित शर्माची द्विशतकी खेळी आणि अजिंक्य रहाणेच्या शतकी खेळीच्या जोरावर भारतानं पहिल्या डावात ९ बाद ४९७ धावा केल्या. रोहित शर्मानं २१२ धावा केल्या. तर अजिंक्य रहाणे ११५ धावा केल्या. दुसऱ्या दुसरी डावाची सुरुवात करणाऱ्या रोहित आणि रहाणेनं दक्षिण आफ्रिकेच्या गोलंदाजांची चांगलीच धुलाई केली. रोहित शर्मानं द्विशतक तडकावलं. तर उपकर्णधार अजिंक्य रहाणेनं कसोटी कारकिर्दीतील अकरावं शतक ठोकलं. हे दोघेही बाद झाल्यानंतर रवींद्र जडेजा वगळता कोणत्याही फलंदाजाला मैदानावर फार काळ तग धरता आला नाही. जडेजानं ५१ धावांची खेळी केली. तर वृद्धिमान साहा यानं २४ धावा केल्या. अश्विननं १४ धावा, उमेश यादवनं ३१ धावा केल्या. मोहम्मद शमी १० धावांवर नाबाद राहिला. दरम्यान, भारतानं ९ बाद ४९७ धावांवर डाव घोषित केला. दक्षिण आफ्रिकेकडून जॉर्ज लिंडे यानं चार विकेट घेतल्या. तर कगिसो रबाडानं तीन विकेट घेतल्या. एनरिक नॉर्टजे आणि डेन पीटनं प्रत्येकी एक विकेट घेतली. भारतानं डाव घोषित केल्यानंतर दक्षिण आफ्रिकेचे फलंदाज मैदानात उतरले. सलामीवीर डीन एल्गारच्या रुपानं दक्षिण आफ्रिका संघाला पहिलाच धक्का बसला. त्याला मोहम्मद शमीनं शून्यावर बाद केलं. तर क्विंटन डीकॉकला उमेश यादवनं चार धावा असताना तंबूत धाडलं. अवघ्या आठ धावा असताना दक्षिण आफ्रिकेच्या सलामीची जोडी माघारी परतली. हमजा आणि फाफ डूप्लेसिस हा मैदानात आहे. हमजानं १४ चेंडू खेळून खातंही उघडलं नाही. तर डुप्लेसिस हा एका धावेवर खेळत आहे. दरम्यान, अंधूक प्रकाशामुळं दुसऱ्या दिवसाचा खेळ वेळेआधीच थांबवण्यात आला. दक्षिण आफ्रिका संघ ४८८ धावांवर पिछाडीवर आहे. चमकला पहिल्या डावात रोहित शर्माने २५५ चेंडूंत २१२ धावा केल्या. त्यात सहा षटकार आणि २८ चौकारांचा समावेश आहे. ही त्याची कसोटी कारकिर्दीतील सर्वोच्च धावसंख्या आहे. रांचीत दक्षिण आफ्रिकाविरुद्धच्या कसोटी सामन्याच्या दुसऱ्या दिवशी त्यानं द्विशतक पूर्ण केलं. हे त्याचं कसोटी कारकिर्दीतील पहिलंच द्विशतक आहे. तिसऱ्यांदा त्यानं १५० पेक्षा जास्त धावा केल्या आहेत. याआधी १७७ ही त्याची सर्वोच्च धावसंख्या होती.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2MwPRKT
No comments:
Post a Comment