रांची: भारत आणि दक्षिण आफ्रिकेदरम्यानची तिसरा कसोटी सामना आजपासून रांचीत सुरू झाला. या सामन्याच्या नाणेफेकीच्या वेळी मात्र वेगळेच चित्र दिसले. नाणेफेक करण्यासाठी दोन नव्हे तर तीन खेळाडू उपस्थित होते. दक्षिण आफ्रिकेकडून कर्णधार फाफ डू प्लेसिस आणि बावुमा हे नाणेफेक करण्यास आले होते. तरीही नाणेफेकीचा कौल टीम इंडियाच्या बाजूने लागला. दक्षिण आफ्रिकेचा कर्णधार फाफ डू प्लेसिस हा आशियातील सलग नऊ कसोटी सामन्यात नाणेफेक हरला आहे. त्यामुळेच तो आजच्या सामन्यात नाणेफेकीसाठी बावुमासोबत मैदानात उतरला. मात्र, याचा काहीही फायदा दक्षिण आफ्रिकेच्या संघाला झाला नाही. सलग दहाव्या सामन्यात फाफ डू प्लेसिसने नाणेफेक हरली. याआधीदेखील फाफ डूने ही कल्पना वापरली होती. प्लेसिसच्या ऐवजी टॉससाठी आला ड्युमनी मागील वर्षी ऑक्टोबरमध्ये दक्षिण आफ्रिका विरुद्ध झिम्बाब्वे यांच्यात एक आंतरराष्ट्रीय टी-२० सामना झाला होता. त्यावेळी फाफ डू प्लेसिसच्या ऐवजी नाणेफेक करण्यासाठी जे. पी. ड्युमनी मैदानावर उतरला होता. विशेष म्हणजे या सामन्यात दक्षिण आफ्रिकेच्या अंतिम अकरा खेळाडूंमध्ये ड्युमनीचा समावेश नव्हता. महिला क्रिकेट सामन्यातही वापरली ही आयडिया सप्टेंबरमध्ये ऑस्ट्रेलिया आणि श्रीलंका संघा दरम्यान टी-२० सामना खेळवण्यात आला होता. सिडनीतील हा सामना तीन कर्णधार असलेला म्हणून त्यावेळी प्रसिद्ध झाला होता. यादीवर ऑस्ट्रेलियाची कर्णधार म्हणून मेग लेनिंगचे नाव होते. तर, नाणेफेकीसाठी 'टॉस कॅप्टन' एलिसा हिली मैदानात उतरली. त्यामुळे मैदानात तीन कर्णधार उपस्थित होते.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2J2soPe
No comments:
Post a Comment