Ads

Friday, October 18, 2019

भारतीय कसोटी संघात झारखंडच्या नदीमची निवड

रांची: रांची येथे दक्षिण आफ्रिकाविरुद्धच्या तिसऱ्या कसोटी सामन्यासाठी बीसीसीआयच्या निवड समितीनं फिरकीपटू याची भारतीय संघात निवड केली आहे. त्याला अंतिम अकरा खेळाडूंमध्येही स्थान देण्यात आले आहे. त्याचा हा आंतरराष्ट्रीय कसोटी क्रिकेटमधील पदार्पणाचा सामना असणार आहे. बीसीसीआयच्या निवड समितीनं शुक्रवारी त्याची तिसऱ्या कसोटी सामन्यासाठी भारतीय संघात निवड केली. भारतीय संघातील फिरकीपटू कुलदीप यादव याने शुक्रवारी खांद्याला दुखापत झाल्याचं सांगितल्यानंतर अंतिम क्षणी नदीमला संघात घेण्यात आलं. भारत आणि दक्षिण आफ्रिका यांच्यात आजपासून रांचीमध्ये तिसरा कसोटी सामना सुरू झाला आहे. विराट कोहलीच्या नेतृत्वाखाली भारतीय संघ चांगली कामगिरी करत आहे. याआधी झालेले दोन्ही कसोटी सामने भारताने जिंकले आहेत. मालिकेत २-० ने आघाडी घेतली आहे. तिसऱ्या कसोटी सामन्यासाठी ऐनवेळी नदीमची निवड करण्यात आली आहे. नदीम अजून आंतरराष्ट्रीय क्रिकेट सामने खेळलेला नाही. त्याची आता भारतीय संघात अंतिम अकरामध्ये निवड झाली आहे. त्यामुळं त्याचा हा पदार्पणाचा सामना आहे. ३० वर्षीय फिरकीपटू नदीम आयपीएलमध्ये दिल्ली डेअरडेव्हिल्स आणि सनरायझर्स हैदराबाद संघासाठी खेळलेला आहे. बिहारमध्ये जन्मलेला नदीम झारखंडसाठी खेळतो. त्यानं १११ प्रथम श्रेणीच्या सामन्यांत तब्बल ४२४ विकेट घेतल्या आहेत. दरम्यान, भारत आणि दक्षिण आफ्रिका यांच्यात होणारा तिसरा सामना बघायला गेला तर, औपचारिक असा आहे. भारतानं विशाखापट्टणम आणि पुणे येथील कसोटी सामने जिंकून मालिका आधीच खिशात घातली आहे. ही औपचारिक अशी कसोटी जिंकून कसोटी अजिंक्यपद स्पर्धेत पुढे राहण्यासाठी विराट कंपनी सर्वस्व पणाला लावून खेळणार आहे. भारतानं पहिली कसोटी २०३ धावांनी जिंकली होती. तर दुसरा कसोटी सामना एक डाव आणि १३७ धावांनी जिंकला होता. जागतिक कसोटी चॅम्पियनशिपच्या रँकिंगमध्ये भारतानं चार कसोटी लढतींमध्ये २०० गुणांची आधीच कमाई केली आहे. आता दक्षिण आफ्रिकेविरुद्धचा तिसरा सामना जिंकून कसोटी मालिकेत निर्भेळ यश मिळवण्याचा संघाचा मानस आहे. भारतीय संघ पुढीलप्रमाणे: रोहित शर्मा, मयांक अग्रवाल, चेतेश्वर पुजारा, विराट कोहली, अजिंक्य रहाणे, रवींद्र जडेजा, वृद्धिमान साहा, आर. अश्विन, एस. नदीम, उमेश यादव, मोहम्मद शमी. डी. एल्गर, क्विंटन डी'कॉक, हमजा, फाफ डुप्लेसिस, टी बवुमा, एच. क्लासेन, जी लिंडे, डी पायेड्ट, कगिसो रबाडा, नॉर्ट्जे, एल. एनगिडी.


from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2MwGyut

No comments:

Post a Comment

BJP’s Rajya Sabha strength falls below 100; may rise soon

A month after touching the mark of 100 seats for the first time in Rajya Sabha, BJP’s numerical strength has come down to 95 as five of its ...