चेन्नई: भारतीय क्रिकेट संघाच्या भगव्या रंगाच्या जर्सीवरून राजकारण रंगत असतानाच भगवा रंग भारतीयांसाठी अभिमानाचा रंग असून त्याचं राजकारण करू नये असं मत काँग्रेस नेते यांनी व्यक्त केलं आहे. चेन्नईतील एका कार्यक्रमात भारताच्या भगव्या जर्सीचं त्यांनी समर्थन केलं आहे. भारतीय संघाची जर्सी आतापर्यंत निळ्या रंगाची होती. पण आयसीसीच्या नियमांनुसार वर्ल्डकपमध्ये दोन संघांच्या जर्सीचा रंग एकच असू शकत नाही. तसंच वर्ल्डकप आयोजित करणाऱ्या देशाने त्यांच्या जर्सीचा रंग बदलला नाही तरी चालतं. त्यामुळे भारतीय संघालाच आपल्या जर्सीचा रंग बदलावा लागला. आता भारतीय संघाच्या जर्सीचा रंग भगवा आणि निळा आहे. या जर्सीच्या भगवेकरणावरून भरपूर वादळ उठतं आहे. केंद्र सरकारला देशाचं भगवेकरण करायचं असल्याची टीका काँग्रेस नेते एम ए खान यांनी केली आहे. तर तृणमूल काँग्रेसचे नेते सौगत राय यांनीही खेळाचं भगवेकरण करू नका अशी टीका केली आहे. समाजवादी पक्षानेही भगव्या जर्सीचा विरोध केला आहे. याबद्दल नुकतंच शशी थरूर यांना चेन्नई येथे विचारलं असता ते म्हणाले, 'भगव्या रंगाचे राजकारण करणे योग्य नाही. राष्ट्रध्वजातील तीन रंगांपैकी एक रंग भगवा रंग आहे. भगव्या रंगाचा भारतीयांना अभिमान वाटायला हवा. भारतीय संघाला पाठिंबा देण्यासाठी मी भगव्या रंगाचा कुर्ता घालून निळ्या रंगाचा रुमाल घेतला आहे.' असं त्यांनी सांगितलं. यावर्षी भारतीय संघाच्या अनेक सामन्यांमध्ये शशी थरूर यांनी हजेरी लावली आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2JsA0Kx
No comments:
Post a Comment