खडसेंच्या बालेकिल्ल्यात महाजनांनी सुरेश जैनांना धूळ चारली

<strong>जळगाव :</strong> सुरेश जैनांची 40 वर्षांची सत्ता उलथवल्याचा जल्लोष जळगावमध्ये सुरु आहे. भाजपने 75 पैकी 57 जागा जिंकल्या. खडसेंच्या बालेकिल्ल्यात जलसंपदा मंत्री गिरीश महाजनांची जादू चालली. वर्षभरात होणाऱ्या विधानसभा निवडणुकीआधी पालिका कर्जमुक्त करण्याचं आणि जळगाव स्वच्छ सुंदर करण्याचं आव्हानही महाजनांना पेलावं लागेल. पण आम्हाला पाच वर्षासाठी निवडून दिलंय, पण मी एकच वर्ष मागितलंय, असं महाजन म्हणतात. गेल्यावेळी तुरुंगातून निवडणूक जिंकणाऱ्या सुरेश जैनांना जळगावकरांनी हद्दपार केल्याची अनेक कारणं आहेत. जैनांच्या काळात केवळ हुडकोचं कर्ज 700 कोटीच्या घरात पोहोचलं. कचऱ्याच्या प्रश्नानं गंभीर स्वरुप धारण केलं, शहर बकाल होत गेलं अतिक्रमणांनी रस्ते अरुंद होत गेले, खड्ड्यांनी शहराचं कंबरडं मोडलं शहरात हॉकर्सचा प्रश्न गंभीर झाला, भाड्यानं दिलेल्या गाळ्यांचं नूतनीकरण झालं नाही सत्तेत वाटेकरी राहिलेले मनसेचे नगरसेवक आणि महापौर ललित कोल्हे भाजपच्या गळाला लागले घरकुल घोटाळ्या प्रकरणामुळे जैनांची भ्रष्टाचारी नेता म्हणून झालेली इमेज त्यांना पुसता आली नाही <h5><a class="homePageStoryTracking" href="https://abpmajha.abplive.in/maharashtra/jalgaon-municipal-corporation-result-list-of-winning-candidates-570085">जळगाव मनपा निकाल: विजयी उमेदवारांची यादी</a></h5> सुरेश जैनांनी आयुष्यभर आक्रमक राजकारण केलं. अण्णा हजारेंनी त्यांच्यावर भ्रष्टाचाराचे आरोप केल्यानंतर जैनांनी त्यांनाही कोर्टात खेचलं. मात्र भाजपकडून दारुण पराभव झाल्यानंतरही आज सुरेश जैन फार काही बोलले नाहीत. एका वर्षात त्यांच्याकडून काहीही होणार नाही, असं जैन यांना वाटतं. जैन कुठल्याही पक्षात राहिले तरी जळगावचं राजकारण त्यांनी खान्देश विकास आघाडीच्या माध्यमातून केलं. मात्र तुरुंगातून सुटल्यानंतर जैनांना शिवसेनेनं पक्षाच्या तिकीटावर निवडणूक लढण्यास भाग पाडलं. तसं सुरेश जैन आणि गिरीश महाजनांचं सख्य जिल्ह्याला ठाऊक होतं. अँटी इन्कबन्सी पाहता सुरेश जैनांनी शेवटपर्यंत भाजपशी हातमिळवणीचे प्रयत्न केले. जे खडसेंच्या गटानं हाणून पाडले. आणि त्यामुळे सुरेश जैनांना तयारीसाठी वेळ मिळाला नसल्याचंही राजकीय निरीक्षक सांगतात. उत्तर महाराष्ट्रात खडसेंचा शब्द चालायचा. जळगावात तर त्यांच्याशिवाय पानही हालत नव्हतं. पण खडसेंचं मुख्यमंत्र्यांशी बिनसलं. त्यानंतर फडणवीसांनी गिरीश महाजनांना ताकद दिली आणि जळगावच्या विजयाच्या रुपानं हा एकनाथ खडसेंना दिलेला मोठा चेक मानला जातोय. जळगावात जैन विरुद्ध भाजप अशी निवडणूक होती. शहराची वाट लावल्यानं लोक संतापात होते. त्यामुळे राज्यात सध्या सुरु असलेल्या एकाही आंदोलनाचा परिणाम निवडणुकीत दिसला नाही. भाजपची महापालिकेची टॅली दोननं वाढली. ही बाब मुख्यमंत्र्यांचा आणि भाजप नेत्यांचा कॉन्फिडन्स वाढवणारी आहे. <h5><strong>संबंधित बातमी :</strong></h5> <h5><strong><a class="homePageStoryTracking" href="https://abpmajha.abplive.in/maharashtra/jalgaon-municipal-corporation-election-result-2018-bjp-wins-57-seats-570047">जळगाव निकाल : महाजन यांची जादू, सुरेश जैन यांची सत्ता उलथवली!</a></strong></h5>

from maharashtra https://ift.tt/2AEk3zC