आबुधाबी : न्यूझीलंडविरुद्धच्या उपांत्य फेरीच्या सामन्यात इंग्लंडने चांगलाच वचक राखला होता. सामना संपायला दोन षटके बाकी असताना देखील इंग्लंडचाच संघ फेव्हरेट वाटत होता. पण त्यावेळी फक्त एकच चेंडूंने इंग्लंडचा घात केला आणि त्यांचे अंतिम फेरीत पोहोचण्याचे स्वप्न धुळीस मिळाले. नेमकं घडलं तरी काय, पाहा...ही गोष्ट घडली ती १९व्या षटकात. न्यूझीलंडने १८ षटकांमध्ये १४७ धावा केल्या होत्या आणि त्यांना विजयासाठी १२ चेंडूंमध्ये २० धावांची गरज होती. त्यापूर्वीच इंग्लंडने जेम्स निशामला बाद करत मोठा धोका टाळला होता. त्याचबरोबर फॉर्मात असेलल्या ख्रिस वोक्सला इंग्लंडचा कर्णधार इऑन मॉर्गनने १९वे षटक टाकण्यासाठी पाचारण केले. वोक्सच्या १९व्या षटकाच्या पहिल्या चेंडूवर दोन धावा निघाल्या. त्यामुळे न्यूझीलंडला विजयासाठी ११ चेंडूंमध्ये १८ धावांची गरज होती. वोक्सच्या दुसऱ्या चेंडूवर न्यूझीलंडचा स्थिरस्थावर झालेला सलामीवीर डॅरिल मिचेलने दमदार षटकार लगावला आणि तिथूनच हा सामना न्यूझीलंडच्या बाजूने झुकायला सुरुवात झाली. त्यानंतरच्या तिसऱ्या चेंडूवरही मिचेलने षटकार लगावला आणि सामना पूर्णपणे न्यूझीलंडच्या बाजूने झुकल्याचे पाहायला मिळाले. १९व्या षटकातील दुसरा आणि तिसरा हे दोनच चेंडू इंग्लंडसाठी चांगलेच महागडे पडल्याचे पाहायला मिळाले. पण दुसऱ्या चेंडूवर जेव्हा पहिला षटकार बसला तो इंग्लंडसाठी मोठा धक्का देणारा होता. कारण त्यापूर्वी सामन्याचे पारडे हे इंग्लंडच्या बाजूने पाहायला मिळत होते. त्यामुळे हा एकच चेंडू इंग्लंडसाठी धोकादायक ठरला. इंग्लंडला न्यूझीलंडपुढे १६७ धावांचे आव्हान ठेवता आले होते. या आव्हानाचा पाठलाग करताना न्यूझीलंडला सुरुवातीलाच दोन मोठे धक्के बसले. त्यानंतर डॅरिल मिचेल आणि डेव्हॉन कॉनवे यांनी न्यूझीलंडसाठी अर्धशतकी भागीदारी रचली खरी, पण कॉनवे बाद झाल्यावर मिचेलने धडाकेबाज फलंदाजी सुरुच ठेवली आणि संघाला विजय मिळवून देण्यात मोलाचा वाटा उचलला. मिचेलला यावेळी जेम्स नीशामने चांगली साथ दिली. पण त्याला आदिल रशिदने बाद केले आणि त्यामुळे न्यूझीलंडच्या संघात चिंतेचे वातावरण होते. पण मिचेलने १९व्या षटकातील दुसऱ्या चेंडूवर दणदणीत षटकार लगावला आणि इंग्लंडच्या ंसघाला मोठा धक्का दिला.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3C8w4Yp
No comments:
Post a Comment