कोलकाता: भारतीय क्रिकेट संघाचे नवे मुख्य प्रशिक्षक यांनी त्याच्या नव्या भूमिकेची सुरुवात धमाकेदार केली आहे. रविवारी भारताने न्यूझीलंडचा तिसऱ्या टी-२० मध्ये पराभव केला आणि मालिका ३-० अशी जिंकली. भारताच्या या कामगिरीवर द्रविड यांनी आनंद व्यक्त केला आणि त्याच बरोबर खेळाडूंना एक गंभीर इशारा दिला. भारताने रविवारी कोलकाता येथे झालेली लढत ७३ धावांनी जिंकली. नुकत्याच झालेल्या टी-२० वर्ल्डकपमध्ये न्यूझीलंडने भारताचा पराभव केला होता. या पराभवाची परतफेड भारताने टी-२० मालिका ३-० जिंकून दिली. मालिका विजयानंतर कोच द्रविड म्हणाले, ही मालिका प्रत्यक्षात फार चांगली झाली. प्रत्येकाने मालिकेच्या सुरुवातीपासून चांगले योगदान दिले. शानदार सुरूवात करून चांगले वाटले. पण आम्ही विजयाच्या नशेत राहता कामा नये. पाय जमिनीवर ठेवण्याची गरज आहे. न्यूझीलंडसाठी वर्ल्डकपच्या फायनल मॅचनंतर फक्त सहा दिवसात ३ सामने खेळणे सोपे नव्हते. आम्हाला पाय जमिनीवर ठेवून नवा धडा शिकून पुढे जावे लागले. युवा खेळाडूंच्या कामगिरीने द्रविड खुश दिसत होते. त्याच्यामुळे संघात अनेक नवे पर्याय तयार झाले आहेत. युवा खेळाडूंची कामगिरी पाहून छान वाटले. आम्ही अशा खेळाडूंना संधी दिली ज्यांनी केल्या काही महिन्यात जास्त क्रिकेट खेळले नाही. आमच्याकडे अधिक पर्याय आहेत हे पाहून चांगले वाटले.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/30LLzIQ
No comments:
Post a Comment