न्यूझीलंडविरुद्धच्या दुसऱ्या ट्वेन्टी-२० सामन्यासाठी भारतीय संघात होऊ शकतात हे मोठे बदल, कोणते जाणून घ्या...

रांची : न्यूझीलंडविरुद्धचा दुसरा ट्वेन्टी-२० सामना शुक्रवारी महेंद्रसिंग धोनीच्या घरच्या मैदानावर म्हणजेच रांचीमध्ये रंगणार आहे. हा सामना भारतासाठी महत्वाचा असेल. कारण या सामन्यात विजय मिळवत भारतीय संघ मालिका जिंकू शकतो. त्यामुळे या महत्वाच्या सामन्यात भारतीय संघात मोठे बदल होऊ शकतात. पहिला बदलन्यूझीलंडविरुद्धच्या पहिल्या ट्वेन्टी-२० सामन्यात भारताचा वेगवान गोलंदाज मोहम्मद सिराज हा टीकेचा धनी ठरला होता. सिराजने आपल्या ४ षटकांमध्ये ३९ धावा दिल्या होत्या. त्यामुळेच न्यूझीलंडला मोठी धावसंख्या उभारता आली. त्यामुळे दुसऱ्या सामन्यात सिराजला संघाबाहेर ठेवण्यात येऊ शकते. कारण भारतामध्ये वेगवान गोलंदाजांना जास्त मदत मिळत नाही. त्यामुळे त्याला खेळवून जास्त फायदा होऊ शकतो, असे दिसत नाही. त्यामुळे सिराजला दुसऱ्या सामन्यात संघाबाहेर जावे लागू शकते. सिराजच्या जागी यावेळी भारतीय संघात अवेश खानला संधी दिली जाऊ शकते. कारण अवेशही एक चांगला वेगवान गोलंदाज आहे. त्याचबरोबर आयपीएलमध्येही त्याने चांगली गोलंदाजी केली होती. त्यामुळे सिराजच्या जागी भारतीय संघात अवेशला संधी मिळण्याची शक्यता दिसत आहे. दुसरा बदलभारतीय संघात यावेळी दुसरा बदल गोलंदाजीमध्येच होऊ शकतो. पहिल्या सामन्यात भारताचा मध्यमगती गोलंदाज दीपक चहर हा चांगलाच महागडा ठरला होता. चहरने आपल्या चार षटकांमध्ये ४२ धावा दिल्या होत्या, त्याचबरोबर सर्वाधिक चार चौकारही चहरच्याच गोलंदाजीवर बसले होते. त्यामुळे चहरला दुसऱ्या सामन्यासाठी संघाबाहेर ठेवण्याचा विचार भारतीय संघ करू शकतो. चहरच्या जागी यावेळी भारतीय संघात हर्षल पटेलला संधी मिळू शकते. कारण हर्षलने आयपीएल चांगलीच गाजवली होती. आयपीएलमध्ये आरसीबीच्या संघाला चांगली कामगिरी करता आली नसली तरी हर्षलने सातत्याने भेदक मारा करत विकेट्स मिळवल्या होत्या. त्यामुळे चहरच्या जागी यावेळी हर्षलचा विचार केला जाऊ शकतो. भारताला जर तीन फिरकीपटू खेळवायचे असतील तर अवेश किंवा हर्षलपैकी एकाच गोलंदाजाला संधी दिली जाऊ शकते. कारण वेंकटेश अय्यर हा मध्यमगती गोलंदाजी करू शकतो. त्यामुळे अवेश आणि हर्षलपैकी एकाला संधी देऊन दुसऱ्या रिकाम्या जागी युजवेंद्र चहलचीही भारतीय संघात निवड होऊ शकते. खेळपट्टी पाहिल्यावर कर्णधार रोहित शर्मा आणि प्रशिक्षक राहुल द्रविड याबाबतचा निर्णय घेऊ शकतील. त्यामुळे न्यूझीलंडविरुद्धच्या दुसऱ्या ट्वेन्टी-२० सामन्यासाठी भारतीय संघात नेमके कोणते बदल होतात, याची उत्सुकता सर्वांनाच असेल.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/30LCnVc