लंडन : आज देशभरात तसेच जगभरातही अनेक ठिकाणी भारताचा ७५वा स्वातंत्र्यदिन मोठ्या उत्साहात साजरा करण्यात आला. इंग्लंड दौऱ्यावर असणाऱ्या भारतीय क्रिकेट संघानेही सामना सुरू होण्याआधी लॉर्ड्स परिसरात ध्वजारोहण करत स्वातंत्र्यदिन साजरा केला आणि सर्व भारतीयांना शुभेच्छाही दिल्या. या दरम्यान आणखी एक घटना घडली ज्यामुळे प्रत्येक भारतीयाला गर्व वाटेल. वाचा- भारतीय महिला क्रिकेटपटू दीप्ती शर्माला ऐतिहासिक लॉर्ड्सवर बेल वाजविण्याची संधी मिळाली. भारत आणि इंग्लंड यांच्यातील चौथ्या दिवसाचा खेळ सुरू होण्यापूर्वी ५ मिनिटे बेल वाजविण्याचा मान मिळाला. १५ ऑगस्ट भारताच्या स्वातंत्र्यदिनी एका भारतीय महिला क्रिकेटपटूला हा मान मिळाला असल्याने सोशल मीडियात अनेकजण कौतुक करत आहेत. तसेच इंग्लंड प्रशासनाचे आभारही मानत आहेत. वाचा- वाचा- 15 ऑगस्ट रोजी दीप्तीला चौथ्या दिवसाचा खेळ सुरू होण्यापूर्वी लॉर्ड्सवरील ऐतिहासिक बेल वाजवण्याचा मान मिळणार असल्याचे आधीच जाहीर करण्यात आले होते. दीप्ती सध्या एका व्यावसायिक क्रिकेट लीगनिमित्ताने इंग्लंडमध्येच आहे. द हंड्रेडमध्ये ती लंडन स्पिरीट संघाचे प्रतिनिधीत्व करत आहे. वाचा- दरम्यान, भारतीय संघाने चौथ्या दिवशी आपल्या दुसऱ्या डावास सुरवात केली. इंग्लंडचा कर्णधार जो रुटच्या १८० धावांच्या खेळीमुळे इंग्लंडने ३९१ धावांपर्यंत मजल मारली. आणि इंग्लंडला २७ धावांची आघाडीही मिळवून दिली.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3sihnPn
No comments:
Post a Comment