आयपीएलमधील महेंद्रसिंग धोनीच्या चेन्नई सुपर किंग्स संघाला आज दुसरा धक्का बसला आहे. चेन्नईचा नावाजलेला फलंदाज सुरेश रैना आज संघ सोडून मायदेशी परतला आहे. त्यानंतर चेन्नईच्या संघातील एका महाराष्ट्राच्या खेळाडूला करोना झाल्याची धक्कादायक गोष्ट आता समोर आली आहे. वाचा- शुक्रवारी चेन्नईच्या संघातील एका खेळाडूसह १२ सपोर्ट स्टाफच्या सदस्यांना करोना झाला होता. आज वैयक्तिक कारणास्तव रैनाने संघाला सोडचिठ्ठी दिली आहे. तो यावर्षीच्या आयपीएलमध्ये खेळणार नसल्याचे चेन्नई सुपर किंग्सच्या संघाने स्पष्ट केले आहे. हा धक्का बसतो ना बसतो तोच धोनीच्या संघाला दुसरा हादरा बसला आहे. कारण चेन्नईच्या संघातील महाराष्ट्राचा एक खेळाडू करोना पॉझिटीव्ह आढळला आहे. वाचा- शनिवारी महाराष्ट्राचा चेन्नईच्या संघातील २३ वर्षीय युवा खेळाडू ऋतुराज गायकवाडला करोना झाल्याचे निष्पन्न झाले आहे. त्यामुळे आता त्याचावर उपचार करण्यात येणार आहेत. ऋतुराजला १४ दिवस क्वारंटाइन करण्यात येणार असल्याचे समजते. या १४ दिवसांमध्ये ऋतुराजच्या तीन करोना चाचण्या होतील. या तीन करोना चाचण्यांमध्ये जर ऋतुराज निगेटीव्ह आढळला तरच त्याला खेळता येणार आहे. वाचा- ऋतुराज हा २०१६-१७ साली महाराष्ट्राच्या संघात आला होता. त्यानंतर महाराष्ट्राकडून तो रणजी आणि ट्वेन्टी स्पर्धा खेळला. त्यानंतर ऋतुराजची युवा आशियाई स्पर्धेसाठी भारताकडून निवड झाली होती. त्याचबरोबर राष्ट्रीय स्तरावर ऋतुराजने बऱ्याच स्पर्धा खेळल्या आहेत. २०१८ साली ऋतुराजने दमदार फलंदाजी केली होती, त्यानंतर त्याला चेन्नईच्या संघाने आपल्या ताफ्यात सामील करून घेतले होते. दुबईला पोहोचल्यावर चेन्नईचा संघ सहा दिवसांच्या क्वारंटाइनमध्ये होता. त्यानंतर आता या चाचणीत संघातील १३ सदस्य करोनाबाधित असल्याचे पाहायला मिळाले आहे. त्यामुळे आता चेन्नईच्या संपूर्ण संघाला यापुढील सात दिवस क्वारंटाइनमध्ये राहावे लागणार आहे. त्यानंतर पुन्हा एकदा करोनाची चाचणी होणार आहे. या चाचणीत जर खेळाडू करोना निगेटीव्ह आढळले तरच त्यांना सराव करता येणार आहे. युएईला जाण्यापूर्वी चेन्नईच्या संघाचे सराव शिबीर त्यांच्या घरच्या मैदानात आयोजित करण्यात आले होते. सर्व खेळाडू १४ ऑगस्टला या शिबिरासाठी आपल्या घरुन चेन्नईला पोहोचले आणि त्यानंतर २० ऑगस्टपर्यंत हे शिबिर सुरु होते.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2EF5Bdk
No comments:
Post a Comment