आबुधाबी: मुंबई इंडियन्सच्या हार्दिक पंड्याने आजच्या सामन्यात वादळी खेळी साकारली. हार्दिकने यावेळी राजस्थानच्या गोलंदाजांची चांगलीच धुलाई केल्याचे पाहायला मिळाले. हार्दिकने यावेळी फक्त २१ चेंडूंत दोन चौकार आणि सात षटकारांच्या जोरावर नाबाद ६१ धावांची धडाकेबाज खेळी साकारली. हार्दिकच्या या धमाकेदार खेळीच्या जोरावर मुंबईला राजस्थानपुढे १९६ धावांचे मोठे आव्हान ठेवता आले. मुंबईने या सामन्यात नाणेफेक जिंकत प्रथम फलंदाजी करण्याचा निर्णय घेतला. पण मुंबईला यावेळी चांगली सुरुवात करता आली नाही. कारण पहिल्याच षटकात मुंबईला क्विंटन डीकॉकच्या रुपात पहिला धक्का बसला. राजस्थानच्या जोफ्रा आर्चरने यावेळी डीकॉकला बाद करत मुबंईला पहिला धक्का दिला. मुंबईला पहिल्याच षटकात धक्का बसला असला तरी त्यानंतर इशान किशन आणि सूर्यकुमार यादव यांनी चांगली भागीदारी रचली. इशान आणि सूर्यकुमार यांनी यावेळी दुसऱ्या विकेटसाठी ८८ धावांची भागीदारी रचली. यावेळी इशानपेक्षा सूर्यकुमार हा जलदगतीने धावा जमवत होता. पण यावेळी इशानचा अप्रतिम झेल जोफ्रा आर्चरने पकडला आणि मुंबईला दुसरा धक्का दिला. इशान किशनने यावेळी चार चौकार आणि एका षटकाराच्या जोरावर ३७ धावा केल्या. इशान किशन बाद झाला आणि त्यानंतर मुंबईला झटपट दोन धक्के बसले. खेळपट्टीवर स्थिरस्थावर झालेल्या सूर्यकुमारला यावेळी राजस्थानच्या श्रेयस गोपाळने बाद केले. सूर्यकुमारने यावेळी २६ चेंडूंत चार चौकार आणि एका षटकाराच्या जोरावर ४० धावा केल्या. सूर्यकुमार बाद झाल्यावर मुंबईचा हंगामी कर्णधार किरॉन पोलार्ड फलंदाजीला आला. पोलार्डने षटकार लगावत आपले इरादे स्षट केले. पण पोलार्डला यावेळी या सहा धावांवरच समाधान मानावे लागले. कारण गोपाळने यावेळी पोलार्डला त्रिफळाचीत करत मुंबईला मोठा धक्का दिला. पण त्यानंतर हार्दिकच्या धडाकेबाज फलंदाजीच्या जोरावर मुंबईला मोठा धावसंख्या उभारता आली. सौरभ तिवारीनेही यावेळी जलदगतीने धावा जमवल्या. तिवारीने यावेळी २५ चेडूंत चार चौकार आणि एका षटकाराच्या जोरावर ३४ धावांची खेळी साकारल्याचे पाहायला मिळाले.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2HuAWRc
No comments:
Post a Comment