आबुधाबी: मुंबई इंडियन्सचा कर्णधार रोहित शर्माला किंग्स इलेव्हनचा सामना संपल्यावर दुखापत झाल्याचे समजले होते. त्यामुळे रोहित गेल्या सामन्यात खेळू शकला नव्हता. पण आजच्या सामन्यात रोहित खेळणार की, याची उत्सुकता चाहत्यांना नक्कीच असेल. एका वृत्तसंस्थेने याबाबतची माहिती दिल्याचे आता समोर आले आहे. रोहित शर्माच्या पायाचे स्नायू दुखावले होते. त्यामुळे रोहितला गेल्या सामन्यासाठी विश्रांती देण्यात आली होती. पण रोहित आजच्या सामन्यात खेळणार की नाही, याबाबत एएनआय या वृत्तसंस्थेने एक ट्विट केले आहे. या ट्विटमध्ये एएनआयने म्हटले आहे की, " आजच्या राजस्थान रॉयल्सविरुद्धच्या सामन्यात रोहित न खेळण्याची शक्यता जास्त आहे." सध्याच्या घडीला मुंबई इंडियन्सचा संघ हा गुणतालिकेत अव्वल स्थानावर आहे. त्याचबरोबर मुंबईचा संघ जवळपास बाद फेरीत पोहोचला आहे. त्यामुळे अशा काळात कोणताही संघ रोहितसारख्या मोठ्या खेळाडूबाबत जास्त जोखीम उचलणार नाही. जोपर्यंत रोहित पूर्णपणे फिट होत नाही, तोपर्यंत रोहितला विश्रांती देण्याचा विचार मुंबई इंडियन्सचा संघ करत असेल. रोहित आजच्या राजस्थानविरुद्धच्या सामन्यात खेळणार की नाही, याबाबतची कोणतीही अधिकृत माहिती मुंबई इंडियन्सने दिलेली नाही. रोहित आजच्या सामन्यात खेळू शकणार की नाही, ही गोष्ट नाणेफेकीच्यावेळी स्पष्ट होईल. कारण गेल्या सामन्याच्यावेळीही मुंबई इंडियन्सने लवकर रोहितबाबतचे अपडेट्स दिले नव्हते. रोहितच्याऐवजी नाणेफेकीला किरॉन पोलार्ड आला होता. त्यावेळी रोहित या सामन्यात खेळणार नसल्याचे स्पष्ट झाले होते. त्यामुळे आजच्या सामन्यातही नाणेफेकीच्या वेळीच रोहितबाबतचे चित्र स्पष्ट होईल. गेल्या सामन्यात रोहितच्या जागी मुंबईच्या संघाची धुरा पोलार्डकडे सोपवण्यात आली होती. पोलार्डच्या नेतृत्वाखाली मुंबईच्या संघाने दणदणीत विजयाची नोंद केली होती. त्यामुळे सध्याच्या घडीला तरी मुंबईचा संघ चांगली कामगिरी करत आहे. मुंबईचा संघ चांगलाच स्थिरस्थावर झालेला पाहायला मिळत आहे. त्यामुळे या परिस्थितीत तरी मुंबईचा संघ रोहितबाबत मोठा जोखीम उचलणार नाही, असेच चाहत्यांना वाटत आहे. त्यामुळे रोहित आजच्या सामन्यात दिसण्याची शक्यता कमीच दिसत आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/35u8W8A
No comments:
Post a Comment