नवी दिल्ली: भारताचा दिग्गज गोलंदाज आणि माजी कसोटी कर्णधार यांनी आजच्या दिवशी १७ जानेवारी २००८ रोजी कसोटी क्रिकेटमध्ये ६०० विकेट घेण्याचा पराक्रम केला होता. कसोटी क्रिकेटमध्ये अशी कामगिरी करणारा तो पहिला भारतीय आणि जगातील तिसरा गोलंदाज ठरला होता. भारत आणि ऑस्ट्रेलिया यांच्यात २००७-०८मध्ये झालेल्या गावस्कर-बॉर्डर ट्रॉफी स्पर्धेतील पर्थ येथील सामन्यात कुंबळेने ही कामगिरी केली होती. पर्थ कसोटीत प्रथम फलंदाजी करताना भारताने ३३० धावा केल्या होत्या. राहुल द्रवीडने भारताकडून सर्वाधिक ९३ धावा केल्या. भारताने ऑस्ट्रेलियाचा पहिला डाव २९४ धावांवर गुंडाळला. ऑस्ट्रेलियाच्या डावात अ‍ॅन्ड्रय़ू सायमंड्स यांची विकेट घेत कुंबळेने ६००वा बळी घेतला. या सामन्यात भारताचा पराभव झाला असला तरी कुंबळेने कसोटीमध्ये नवा विक्रम केला. वाचा- याच सामन्यात कसोटी क्रिकेटमधील वादग्रस्त असे मंकी-गेट प्रकरण झाले होते. हरभजन आणि सायमंड यांच्यातील वादामुळे ही कसोटी चर्चेत आली होती. कुंबळेने २००८मध्ये आंतरराष्ट्रीय क्रिकेटमधून निवृत्ती घेतली. कसोटीमध्ये त्याने ६१९ विकेट घेतल्या आहेत. वर्ल्ड कसोटी क्रिकेटमध्ये सर्वाधिक विकेट घेणाऱ्या गोलंदाजामध्ये श्रीलंकेचा मुथ्थया मुरलीधरन (८००), ऑस्ट्रेलियाचा शेन वॉरन (७०८) या दोघांनंतर कुंबळेचा क्रमांक लागतो. वाचा- कसोटीमध्ये एकाच डावात सर्वच्या सर्व १० विकेट घेण्याचा विक्रम कुंबळेच्या नावावर आहे. दिल्लीत पाकिस्तानविरुद्ध त्याने ही कामगिरी केली होती. परफेक्ट टेन या नावाने त्याची ही कामगिरी ओळखली जाते.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/30qEl98
No comments:
Post a Comment